鬼打鬼

車門關閉，見車窗有鬼。右邊門那隻說﹕「我想每十五分鐘買一件新衫，同一對鞋。」左邊的話﹕「我唔要每個月多過兩次……」沿路直走，統統都是「睇就買睇就買」「每個月去一次旅行」「最好唔使諗鍾意邊隻鑽石戒子買邊隻……」貪心鬼纏身，正當出神，多得後面猛地有個老僧厲聲吆喝﹕「咁係好折墮。」應聲轉身，老僧原來是個老竇，身邊是他老婆同個女。

獅子銀行新一系列的地鐵（港鐵）車廂廣告，到底是鬼迷心竅，宣揚折墮，抑或一面照妖鏡，照出人心貪慾無垠，不若早早拿起剪刀，將膠卡碎屍萬段，立地成佛？若然是明目張膽的大力施展魔鬼誘惑，使人人一卡／一筆在手變身大花筒一味仙女散花以為千金散盡還復來，不用說，銀行那隻鬼最厲最猛。

迷頭迷腦回家，聽鄰人說早上竟也碰見兩隻窮鬼。被纏的一男一女，女的明顯已不後生，竭力推着一輛手推車在逃，男的已七老八十，邊叫邊喘邊在追。友人見場面荒誕，不明所以，於是加入追逐，然後拉住手推車鐵柄逼令女人停下。女人一慌，張大口竟要咬向她的手。

男人趕上，斥罵女人連續幾天偷走他放在商場後門的紙皮，嚷着要報警拉人，女人就一味死命拉住手推車不放。如果是《神探》裏能夠看見鬼的劉青雲，見到女人受窮鬼的飢寒交迫煎熬，迫着要向老男人下手，他會如何？

鄰人沒有報警，她要女人還男人紙皮，然後放走女人。「真係愈諗愈悽涼。」鄰人說。

「我想每天有一頓飽飯。」「好耐無飲過奶茶。」「想要個熱暖的被窩。」好像都聽見了窮鬼的呢喃。

[黎佩芬]

雖然我不想「每十五分鐘買一件新衫，同一對鞋」，這兩個禮拜吃到見到食物會怕得大叫「又食？」這，真是「好折墮」。